പാര്‍ലമെന്റിന്റെ ശീതകാല സമ്മേളനം ആരംഭിച്ചതു മുതല്‍ ശ്രദ്ധയില്‍ പെടുന്നൊരു കാര്യം ഗൗതം അദാനി എന്നൊരു പേര് ചര്‍ച്ചയില്‍ വരാതിരിക്കാന്‍ ഭരണപക്ഷവും അതു മാത്രം ചര്‍ച്ചയ്ക്കു കേന്ദ്രബിന്ദുവാക്കാന്‍ പ്രതിപക്ഷമൊന്നാകെയില്ലെങ്കിലും പ്രതിപക്ഷ നേതാവ് രാഹുല്‍ ഗാന്ധിയും പരിശ്രമിച്ചു കൊണ്ടേയിരിക്കുന്നു. കോലാഹലവും വാക്കേറ്റവും ഏതു നിയമനിര്‍മാണ സഭയുടെയും അടിസ്ഥാന സ്വഭാവം തന്നെയാണെങ്കിലും അതിനു കാത്തിരിക്കുന്നതു പോലെയാണ് ഭരണപക്ഷത്തിന്റെ നടപടികള്‍. അദാനിയെന്ന പേരിനെ ചുറ്റിപ്പറ്റി പ്രതിപക്ഷത്തിന്റെ ശബ്ദമുയരുമ്പോള്‍ തന്നെ അന്നത്തെ സഭാനടപടികള്‍ അവസാനിപ്പിക്കുന്നതിന് ഭരണപക്ഷം അപൂര്‍വത്തില്‍ അപൂര്‍വമായ കൗശലം പ്രകടിപ്പിക്കുന്നു. ഇതിന്റെ അവസാന […]

കേരളീയ സമൂഹത്തെ കുറിച്ചുള്ള നമ്മുടെ ആത്മപ്രശംസകളിൽ ഒന്ന് രാഷ്ട്രീയ പ്രബുദ്ധത സംബന്ധിച്ചാണ് .എന്നാൽഇന്നത്തെ കേരള രാഷ്ട്രീയം ശ്രദ്ധിച്ചാൽ രാഷ്ട്രീയ പ്രബുദ്ധതയെ കുറിച്ചുള്ള നമ്മുടെ വീമ്പിളക്കലിൻ്റെ അർത്ഥമില്ലായ്മ ബോധ്യപ്പെടും.ജനങ്ങളിൽ നിന്ന് വേറിട്ടു നിൽക്കുന്നവരല്ല രാഷട്രീയ പ്രവർത്തകർ .അതുകൊണ്ടുതന്നെ രാഷ്ട്രീയ കക്ഷികളുടെ ഏതു തരത്തിലുമുള്ള ജീർണ്ണതകളുടെയും ഉത്തരവാദിത്വം ജനങ്ങളുടെതു കൂടിയാണ്. രാഷ്ട്രീയ കക്ഷികൾ സമുദായ സംഘടനകളുടെയും താൽപ്പര്യങ്ങളുടെയും ചുറ്റുവട്ടങ്ങളിൽ ചുറ്റിക്കറങ്ങുന്നതിൻ്റെ കാരണമന്വേഷിക്കുമ്പോൾ ബോധ്യമാവുന്ന ഒരു കാര്യം, ഇന്ന് സാധാരണ ജനങ്ങളിൽ ഗണ്യമായ ഒരു വിഭാഗത്തിൻ്റെ മതബോധം അവരുടെ രാഷ്ട്രീയ ബോധത്തെക്കാൾ […]